| Happy birthday 阿智 🎂🥰 @ calvinchoy11 同阿智嘅緣份係我六歲嘅時候 😝 嗰陣時我老竇正職係一個設計師 副業就幫一間娛樂公司負責香港歌手海外登台 我第一次見到明星就係草蜢同彭羚 因為太細個所以好多片段都唔記得喇 時間一轉就去到Twins第一個演唱會 我哋嗰陣時出道唔夠一年公司就幫我哋開演唱會 夾夾埋埋得六隻歌 咁公司就諗住搵啲勁嘅前輩歌手幫我哋撐場 其中一個就係草蜢 我諗住佢哋都唔會記得我啦 點知 喺Rehearsal嘅時候 一嚟到見到我媽咪 就即刻同我媽咪打招呼話好耐冇見 嘩！過咁耐佢都仲記得 我媽咪即刻冧咗 😍 得人恩果千年記 見過幾次面咋 個人真係好好呀！ Anyway, 我希望你身體健康 一直都咁Fit 日日開開心心 我哋友誼永固 🥰 草蜢嘅歌我最鍾意原來我是我 💕 |
